Данска и Холандија ќе донираат 14 тенкови Леопард-2 на Украина

КОПЕНХАГЕН (АА) - Данска и Холандија денес соопштија дека ќе донираат 14 тенкови Леопард-2 на Украина во нејзината војна со Русија, пренесува Анадолу.

Данското Министерство за надворешни работи на Твитер соопшти дека министерот за надворешни работи, Ларс Локе Расмусен, го информирал својот украински колега, Дмитро Кулеба, дека „Данска и Холандија ќе донираат 14 тенкови Леопард-2 на Украина“, додавајќи: „Данска ќе продолжи (да обезбедува) поддршка за борбата на Украина за слобода сега и долгорочно.“

Во меѓувреме, во посебна изјава на данското Министерство за одбрана се вели: „Холандија и Данска денеска ја објавија нашата намера заеднички да набавиме, обновиме и да донираме 14 тенкови Леопард 2А4 за Украина.“

Министерството, исто така, објави дека тенковите ќе бидат испорачани од „почетокот на 2024 година“ и дека проценетите трошоци од 165 милиони евра ќе бидат „подеднакво поделени“ меѓу земјите.

Холандската министерка за одбрана, Кајса Олонгрен, рече дека „украинската и европската безбедност се нераскинливо поврзани“.

Најавата за воена донација од двете земји се случи по еден месец откако Германија и Велика Британија обезбедија напредни 18 тенкови Леопард и 14 Челинџер-2.