ЊУЈОРК
Турскиот претседател Реџеп Таип Ердоган вчера во Њујорк се состана со генералниот секретар на ОН, Антонио Гутереш, јавува Агенција Анадолија (АА).
Состанокот е одржан во новоотворениот центар „Туркеви“ на Менхетен.
Ердоган и Гутереш разговараа за случувањата во Сирија, Либија, Авганистан, како и за кипарското прашање, се наведува во соопштението на ОН.
Претходно, Гутереш присуствуваше на свеченото отворање на центарот „Туркеви“.
Гутереш кој изрази големо задоволство што присуствува на свеченото отворање на центарот „Туркеви“, го пофали неспоредливиот рекорд на Турција во згрижувањето и помошта што им ја дава на бегалците.
