Започна воената вежба „Канџите на јастребот-2“ помеѓу Саудиска Арабија и САД

РИЈАД (АА) - Во северниот дел на Саудиска Арабија започна воената вежба помеѓу копнените сили на Саудиска Арабија и Соединетите Американски Држави (САД), пренесува Агенција Анадолија (АА).

Во веста на саудиската новинска агенција СПА се наведува дека операцијата именувана како „Канџите на јастребот-2“ започнува, но не се дадени информации околу бројот на американските сили или за времетраењето на вежбата.

Се нагласува дека целта на вежбата е да се зголеми борбената сила против регионалните предизвици.

САД и земјите од Заливот, пред сè Саудиска Арабија, го обвинуваат Иран дека ги таргетира нафтените бродови и цели во Заливот, додека администрацијата на Техеран ги негира овие тврдења.