Земјотрес со јачина од 6,2 степени ја погоди Индонезија

Земјотрес со јачина од 6,2 степени се случи на отворени води кај индонезискиот остров Сулавеси, пренесува Агенција Анадолија (АА).

Оваа информација преку соопштение ја потврди Агенцијата за метеорологија, клима и геофизика на Индонезија.

Се истакнува дека епицентарот на земјотресот бил на 112 километри југозападно од градот Малонгуане.

Според соопштеното, земјотресот со јачина од 6,2 степени се случил во 7:43 часот по локално време, на длабочина од 23 километри.

Во земјотресот не се регистрирани жртви, а по земјотресот е даден аларм за цунами.