Земјотрес со јачина од 7,3 степени ја потресе Венецуела

ВАШИНГТОН (AA) - Земјотрес со јачина од 7,3 степени по Рихтер забележан е на североистокот на Венецуела, а се почувствува и во главниот град Каракас, пренесува Anadolu Agency (AA).

Американскиот центар за геолошки истражувања (USGS) соопшти дека земјотрес со јачина од 7,3 степени е евидентиран на длабочина од 123 километри, со епицентар околу 20 километри од градот Јагуарапо.

Министерот за внатрешни работи на Венецуела Нестор Луис Реверол изјави дека во земјотресот нема смтрно страдани, но дека имало повредени и дека е забележана значителна материјална штета.

Жителите на Каракас за американските медиуми изјавија дека земјотресот траел околу минута.