Израел бомбардираше уште една џамија во Газа, 33-та по ред

ГАЗА (АА) - Израелските воени авиони утринава погодија уште една џамија во градот Газа, јавува Ал-Акса ТВ, пренесува Анадолу.

„Окупациските авиони ја бомбардираа џамијата Хатин во улицата Ал Џалаа“, се вели во извештајот.

Од 7 октомври досега во Појасот Газа се уништени 33 џамии.

Израел ја бомбардира Газа по ненадејниот напад на Хамас на 7 октомври, ставајќи ја целата енклава под блокада, поради што 2,3 милиони жители се со малку вода, гориво и медицински материјали.

Израелската војска продолжи со своите интензивни воздушни напади врз Газа, во кои уништи цели квартови.

Во израелските напади на Газа убиени се 5.791 Палестинец, од кои 2.360 се деца, 1.292 жени и 295 стари лица.