Израел го обвинува Хамас дека вратеното тело не е на заложничката Шири Бибас

АНКАРА (АА) - Израелската војска денес објави дека телото што вчера го добила од палестинската група Хамас не е на Шири Бибас, израелска заложничка држена во Појасот Газа, јавува Анадолу.

Хамас вчера ги предаде телата на Бибас и нејзините две деца, Ариел и Кфир, како и Одед Лифшиц во јужниот град Кан Јунис, според договорот за прекин на огнот во Газа и размена на затвореници.

Во соопштението израелската армија вели: „По завршувањето на процесот на идентификација од страна на Националниот институт за судска медицина во соработка со израелската полиција, претставниците на ИДФ (израелската армија) го информираа семејството Бибас дека нивните најблиски, Ариел и Кфир Бибас, се идентификувани.“

Се додава дека „за време на процесот на идентификација е утврдено дека другото тело што е примено не е на Шири Бибас ниту на другите преостанати заложници“.

Хамас соопшти дека израелските заробеници биле убиени во неселективните воздушни напади од страна на Тел Авив во текот на 15-месечниот геноцид во енклавата.