Израел тврди дека со авионот Ф-35 соборил ирански борбен авион над Техеран

ИСТАНБУЛ (АА) - Израелската армија денес соопшти дека нејзиниот борбен авион Ф-35 го соборил иранскиот авион ЈАК-130 над небото на главниот град на Иран, Техеран, јавува Анадолу.

Во соопштението се наведува дека станува збор за „прво соборување во историјата“ на борбен авион со екипаж од страна на борбен авион од типот Ф-35.

Според армијата, инцидентот се случил кратко откако Израел започнал, како што се наведува, напади во „широк обем“ врз цели во Техеран.

Израелската армија, исто така, соопшти дека погодила десетици објекти што им припаѓаат на иранските внатрешни безбедносни сили, како и на паравоените сили Басиџ.

Од саботата Израел и САД извршуваат напади врз Иран, при што се убиени стотици лица, меѓу кои и врховниот лидер ајатолахот Али Хаменеи, како и високи воени функционери.

Како одговор на тоа, Техеран изврши одмазднички напади со беспилотни летала и ракети врз цели во Израел, како и врз земји од Заливот во кои се наоѓаат американски бази.