Ahmed Asmar
03 Ноември 2023•Ажурирај: 03 Ноември 2023
ЕРУСАЛИМ (АА) - Израелската Армија денес соопшти дека убила висок воен командант на военото крило на Хамас, Бригадите Ал-Касам, во воздушен напад во јужниот дел на градот Газа, јавува Анадолу.
Израелската Армија и израелската служба за безбедност (Шин Бет) соопштија дека го идентификувале командантот како Мустафа Далул, за кој рекоа дека бил командант на баталјонот Сабра и Тал ал-Хава на Бригадите Ал-Касам.
Според соопштението, Далул „играл главна улога“ во борбите против израелската Армија во Газа и имал неколку воени позиции во Бригадите Ал-Касам во последните години.
Бригадите Ал-Касам на Хамас сè уште не го коментираа израелското тврдење.
Во меѓувреме, израелската Армија исто така соопшти дека нападнала и убила неколку палестински вооружени лица, но не наведе конкретен број.
Претходно денеска, израелската Армија соопшти дека бројот на загинати од почетокот на воената копнена операција во Газа во вторникот се искачил на 24.
Израелската Армија ги прошири своите воздушни и копнени напади врз Појасот Газа, кој е под немилосрдни воздушни напади по ненадејната офанзива на Хамас на 7 октомври.
Речиси 10.800 лица загинаа во конфликтот, меѓу кои најмалку 9.227 Палестинци и 1.538 Израелци.
