Израелските сили приведоа 16 Палестинци на Западен Брег

ИСТАНБУЛ (АА) - Израелските сили приведоа 16 Палестинци во рамките на рациите извршени во окупираниот Источен Кудс и Западен Брег, пренесува Анадолу.

Според веста на палестинската официјална новинска агенција ВАФА, израелската војска, покрај Источен Кудс, изврши рации и во градовите Рамала, Витлеем, Калкилја, Ериха, Тулкерм, Хеброн и Наблус на Западен Брег.

Израелските сили во овие рамки приведоа 16 Палестинци, од кои двајца во Источен Кудс, тројца во бегалскиот камп Дехише во Витлеем, тројца во Ериха, тројца во Тулкерм, двајца во Наблус, еден во Рамала, еден во Калкилја и еден во Хеброн.

Израелските власти не излегоа со некое соопштение во врска со приведувањата.

Инаку, израелските сили често вршат рации во окупираниот Западен Брег и Источен Кудс и под различни тврдења приведуваат Палестинци.