Израелските сили ранија тројца Палестинци на Западниот Брег

ЏЕНИН (АА) - Израелските војници ранија тројца Палестинци со боева муниција во напад на бегалски камп во Џенин, во северниот дел на окупираниот Западен Брег, известува Агенција Анадолија (АА).

Според информациите од болницата Ибни Синан во Џенин, три лица се повредени од израелските куршуми во бегалски камп, и се згрижени во болница. Критична е состојбата на еден од ранетите Палестинци.

Очевидците наведуваат дека израелските сили користеле боева муниција, гумени куршуми и солзавец.

Израелските сили, кои често вршат рации во окупираниот Западен Брег и Источен Кудс (Ерусалим), приведуваат Палестинци под разни обвинувања.