Канада: Сенатот го отфрли предлогот за признавање на Нагорно Карабах како „држава“

ТОРОНТО

Канадскиот Сенат го одби предлогот за признавање на Нагорно Карабах како независна држава, пренесува Агенција Анадолија (АА).

Предлогот на Лео Хусакос, сенаторот од Конзервативната партија, по потекло од Грција не беше прифатен од мнозинството на Сенатот, на синоќешната седница.

Во предлогот на Хусакос, стои осуда на таканаречената „агресија на Азербејџан и Турција врз Нагорно Карабах, трајна забрана на извоз на воена опрема на Турција и признавање на Нагорно-Карабах како независна држава."

На гласањето одржано во Генералното собрание на Сенатот, 53 сенатори беа „против“ предлогот, додека бројот на гласови „за“ остана на 16. На гласањето, 5 сенатори гласаа „воздржано“.

Минатата недела Француското национално собрание донесе скандалозна одлука и го усвои нацртот за „итно признавање на Нагорно Карабах како држава“, што според меѓународното право е азербејџанска територија.