Меркел и Сараџ разговараа за случувањата во Либија

БЕРЛИН

Германската канцеларка Ангела Меркел оствари телефонски разговор со либискиот премиер Фајез ал Сараџ, јавува Агенција Анадолија (АА).

Портпаролот на германската Влада, Стефен Сеиберт, соопшти дека Меркел со Сараџ разговарала за актуелната воена и политичка состојба во Либија.

Меркел за време на разговорот изразила задоволство поради подготвеноста на соучесниците во либиската криза за повторно започнување преговори за прекин на огнот под покровителство на ОН во рамките на договорите од мировните конференции одржани во Берлин.

Германската канцеларка во телефонскиот разговор изјавила дека е потребно започнување на процесот за политички разговори и додала дека Германија е подготвена да го поддржи тој процес.