Меркел се залага за дводржавно решение во врска со палестинско-израелското прашање

БЕРЛИН (АА) - Германската канцеларка Ангела Меркел го повтори своето барање за дводржавно решение за палестинско-израелското прашање, пренесува Агенција Анадолија (АА).

Меркел и јорданскиот крал Абдула одржаа заедничка прес-конференција во германскиот главен град Берлин.

„Не сакаме да се откажеме од идејата за дводржавно решение како и порано. Веруваме дека безбедноста на Израел ќе биде најдобро загарантирана кога ќе постои држава каде што Палестинците ќе можат да живеат“, рече Меркел.

Канцеларката Меркел му се заблагодари на јорданскиот крал Абдула за неговата посветеност за мир во однос на палестинско-израелското прашање.

Потсетувајќи дека Јордан е официјален покровител на фондациите „Месџид ал Акса“ и „Кудс“, Меркел рече: „Тоа е многу важна и посебна задача. Ви благодарам за тоа.“

Од друга страна, кралот Абдула ја пофали решителноста на Меркел за решавање на различни кризи.

Абдула, истакнувајќи дека чесноста и посветеноста на Меркел се важни за соработката, рече: „Отсекогаш сте биле гласот на разумот и светол пример за човечко достоинство.“

Меѓу другото, кралот Абдула додаде дека Меркел се обидува светот да го направи побогато и помирно место.