ОН: Над 80 отсто од населението во Газа раселено поради израелските напади

АНКАРА (АА) - Обединетите нации (ОН) соопштија дека околу 1,9 милиони лица, односно над 80 отсто од населението во Газа, се раселени поради израелските напади врз Газа, пренесува Анадолу.

Според соопштението на Агенцијата на ОН за помош на палестинските бегалци на Блискиот Исток (UNRWA), од 7 октомври досега околу 1,9 милиони лица, односно над 80 отсто од населението во Газа, се раселени поради израелските напади врз Газа.

Во соопштението се вели дека од 7 октомври досега 111 вработени на УНРВА загинале во израелските напади.

Се истакнува дека заклучно со 2 декември, 1,2 милиони раселени лица се засолнети во 156 центри на УНРВА.

Од друга страна, од 7 октомври досега, 85 центри на УНРВА биле нападнати 117 пати, од кои 30 центри директно биле погодени.