Папата Франциск ја одржа традиционалната божиќна богослужба во Ватикан

ВАТИКАН (АА) - Денес во Ватикан папата Франциск ја одржа традиционалната божиќна богослужба, јавува Агенција Анадолија (АА).

Оваа година, 7.000 луѓе ја следеа Божиќната миса одржана во познатата базилика „Свети Петар“ во Ватикан со ограничено присуство во последните две години поради пандемијата на коронавирусот.

Папата во своето обраќање предупреди на алчноста и рече дека луѓето денес ги „проголтуваат“ своите соседи, па дури и своите браќа поради нивната глад за моќ и пари.

Нагласувајќи дека сиромашните не треба да се заборават на Божиќ, папата рече дека мисли и на децата жртви на војните.

Папата Франциск, духовниот водач на католичкиот свет, по Божиќната миса напладне ќе се обрати на традиционалниот „Urbi et Orbi“, или „Рим и светот“, во кој дава пораки за светски прашања.