Полски авиони пресретнаа руски авион над Балтичкото Море

БРИСЕЛ (АА) – Полската армија денес соопшти дека полски авиони пресретнале руски авион што вршел извидувачка мисија над Балтичкото Море, јавува Анадолу.

На американската платформата за социјални медиуми X, армијата соопшти дека рускиот авион Il-20 летал во меѓународниот воздушен простор без поднесен план за летот и со исклучен транспондер.

„На 28 октомври 2025 година дежурни борбени авиони МиГ-29 успешно го пресретнале, визуелно го идентификувале и го придружувале авионот на Руската Федерација надвор од зоната на одговорност“, се наведува во соопштението, додавајќи дека летот се извршувал над Балтичкото Море.

Армијата истакна дека авионот не го нарушил полскиот воздушен простор.

Европските земји ја обвинуваат Русија за неодамнешните инциденти со дронови што го нарушиле нивниот воздушен простор, но Москва ги негира обвинувањата.

Тензиите се зголемија по инцидентот на 9 септември, кога околу 20 дрона го нарушија полскиот воздушен простор за време на масовен напад врз Украина, што доведе до учество на НАТО-авиони во заеднички патроли со полските сили.

Други НАТО-земји во регионот, вклучително и балтичките држави Литванија, Летонија и Естонија, исто така, пријавиле слични нарушувања на воздушниот простор.