Поранешен командант на НАТО ја потенцира важноста на Турција

ВАШИНГТОН (АА) - Повеќе внимание треба да им се даде на проблемите со кои се соочува Турција како членка на НАТО, изјави еден од поранешните воени команданти на трансатлантската алијанса, пренесува Anadolu Agency (AA).

„Мора да запомниме дека Турција ни е сојузник кој се наоѓа во тешка положба, притиснат од две страни - од југ од граѓанската војна, од север од растечкото непријателство од Црното Море”, изјави пензионираниот генерал на воздухопловните сили, Филип Бредлов, на Атлантскиот совет.

„Турција е критички и геополитички неверојатно значаен сојузник кој треба да се фокусира на нас како на сојузник” , додаде тој.

Според агенцијата за бегалци на ОН, Турција беше дел од бегалската криза на Сирискиот конфликт, згрижувајќи 2,7 милиони баратели на азил. Исто така, се соочи со голем бран на терористички напади поврзани со терористичките организации ПКК и ДАЕШ кои напаѓаат ширум земјата.

Руската анексија на Крим во 2014 година ѝ овозможи на Москва зголемено влијание во регионот на Црно Море, каде што вети дека ќе го обнови ракетниот предупредувачки систем како противтежа на проширувањето на НАТО.