Протест во Мадрид поради новиот израелски напад врз Газа

МАДРИД - Стотици демонстранти се собраа денес во Мадрид за да протестираат поради новиот бран брутални израелски напади врз Газа за време на прекинот на огнот, известува Анадолу.

Собраните на улицата Плаза де ла Кала носеа палестински знамиња и транспаренти на кои пишуваше „Израел е убиец“, „Запрете го геноцидот“, повикувајќи на прекин на насилството и меѓународна акција.

Протестот е дел од поширокиот бран демонстрации во голем број градови низ Европа.

Од вторникот убиени се најмалку 436 лица, а повеќе од 670 се ранети во новите израелски воздушни напади врз Газа, со што е прекршен договорот за прекин на огнот што беше на сила од јануари.

Од октомври 2023 година убиени се речиси 50.000 Палестинци, главно жени и деца, а повеќе од 112.000 се повредени во бруталната израелска воена кампања во Газа.

Во ноември 2024 година Меѓународниот кривичен суд (МКС) издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата (МСП) поради неговата војна во енклавата.