Путин: Потребни ни се опции кои ќе обезбедат стабилен развој на Русија

Рускиот претседател Владимир Путин изјави дека им е потребна опција која ќе ѝ овозможи на Русија да се развива стабилно во услови на сигурност и мир, и додаде: „Мораме да одиме до крај и да не се поклонуваме пред никого“, известува Анадолу.

Путин зборуваше за војната во Украина на средбата со вработените во Фондацијата „Бранители на татковината“ во Русија.

Изјавувајќи дека планираат да постигнат победа во војната, Путин го рече следното:

„Навистина ја чекаме победата. Кога ќе се постигне мир, нашите деца ќе легнуваат во мир. Но, ние мора да одиме до крај, да не му се поклонуваме никому“.

Путин продолжи со зборовите:

„Мораме да избереме форма на мир што ни одговара и што на нашата земја ќе ѝ обезбеди мир во долгорочна историска перспектива.

(Во Украина) Не ни треба ништо што им припаѓа на другите, но нема да го дадеме она што ни припаѓа нам. Потребна ни е опција која ќе ѝ овозможи на нашата земја да се развива стабилно во услови на мир и безбедност.“

Одговарајќи на изјавите на францускиот претседател Емануел Макрон во врска со европската одбрана, Путин го даде следниот коментар:

„(Поразот на Наполеон во инвазијата на Москва) Сè уште има луѓе кои сакаат да се вратат во времето на Наполеон, заборавајќи како заврши тоа. Всушност, сите грешки на нашите непријатели и ривали генерално, започнаа токму со потценувањето на карактерот на рускиот народ, претставниците на руската култура.“

Во своето вчерашно обраќање до нацијата, францускиот претседател Макрон рече дека Русија планира дополнително да ја прошири својата армија со трошење повеќе од 40 милијарди евра до 2030 година набавувајќи 3.000 тенкови и 300 воени авиони и дека таа продолжува да претставува закана за безбедноста на Европа.