Русија ги повика страните да го запрат крвопролевањето во Карабах

МОСКВА (АА) - Портпаролката на Министерството за надворешни работи на Русија, Марија Захарова, денеска во врска со антитерористичките мерки на Азербејџан во Карабах изјави дека „руската страна упорно повикува на прекин на крвопролевањето на страните во конфликтот“, јавува Анадолу.

Захарова на денешната прес-конференција во Москва ја изрази загриженоста на Русија поради ненадејната ескалација на судирите во Карабах, повикувајќи ги страните веднаш да ги прекинат воените и да се вратат на дипломатските и политичките активности со цел да се најде решение.

„Во врска со решавањето на прашањето за ситуацијата во Карабах“, како што рече, „сите решенија се напишани во заедничката изјава на лидерите на Русија, Азербејџан и Ерменија, која беше потпишана претходно.“

Захарова додаде дека руските сили во тој регион ќе ја продолжат својата улога како мировници.

Министерството за одбрана на Азербејџан претходно денеска соопшти дека презема локални антитерористички мерки со цел разоружување и отстранување на ерменските вооружени групи од територијата на Азербејџан.