Русија и Украина се согласија за трансферот на руски гас во Европа

БЕРЛИН (АА) – Постигнат е договор во преговорите меѓу Русија и Украина за набавка на руски природен гас и испорака на гасот во Европа преку Украина, пренесува Агенција Анадолија (АА).

Бејт Барон, портпаролката на Министерството за економија и енергетика на Германија, на прес-конференцијата одржана во Берлин рече дека во Германија се одржани трипартитни преговори за трансфер на рускиот гас во Европа и дека во „принцип“ е постигнат договор.

„Вчера во принцип постигнаа договор и тоа беше првиот важен чекор“, рече Барон.

Наведувајќи дека преговорите за деталите за новиот договор за трансфер на рускиот гас во Европа преку Украина продолжуваат и денеска, Барон рече дека во разговорите учествувал и германскиот министер за економија и енергетика, Питер Алтмајер.

Договорот за трансфер на природен гас меѓу Русија и Украина, кој трае речиси 10 години, истекува на крајот на оваа година.