Русија тврди дека презела контрола над 4 населени места во украинската област Доњецк

ИСТАНБУЛ (АА) - Русија денес тврди дека ја презела контролата врз уште четири населени места во источниот украински регион Доњецк додека продолжува со офанзивата во областа, јавува Анадолу.

Во соопштението на Министерството за одбрана се вели дека нивните сили ги освоиле селата Катеринивка и Бохојавленка, кои се наоѓаат на околу 13 и 15 километри јужно од градот Курахове, во кој се наоѓа термоцентрала.

Градот е на околу 34 километри јужно од градот Покровск, главен фронт во тековната офанзива на Москва во источна Украина.

Во соопштението се вели дека нивните сили презеле контрола и врз градот Хирник, на околу 29 километри југоисточно од Покровск.

Министерството во подоцнежна изјава рече дека руските сили го освоиле и градот Селидове, околу 17 километри југоисточно од Покровск.

Русија често пријавуваше придобивки во последниве месеци додека ја продолжува својата офанзива во Доњецк, при што областа околу Покровск забележува зголемена активност.

Градот служи како клучен логистички центар за украинската Армија во регионот Доњецк, кој граничи со Русија.

Украинскиот Генералштаб во претходна изјава рече дека нејзините сили ги задржуваат руските војници околу Катеринивка, при што одбранбените сили одбиле 12 обиди за пробивање во две населби во близина на Вримивка, вклучително и Бохојавленка.

Исто така соопшти дека одбиле 31 напад на Русија во близина на Покровск, вклучително и околу Селидове.

Украинските власти веднаш не ги коментираа неодамнешните тврдења на Русија, а независната проверка е тешка поради тековната војна.