Русија тврди дека спречила напад со украински беспилотни летала во Москва

ИСТАНБУЛ (АА) - Успешно е спречен обид за напад од страна на Украина во регионот на Москва со три беспилотни летала, соопшти руското Министерство за одбрана, пренесува Анадолу.

„Денес беше спречен обид на режимот во Киев да изврши терористички напад врз објекти во регионот на Москва со три беспилотни летала од типот на авиони“, соопшти Министерството.

Министерството додаде дека преку техниките за електронско војување, сите беспилотни летала (UAV) биле „неутрализирани“, што довело до нивно губење на контролата и последователни несреќи.

„Нема жртви или штети како резултат на неуспешниот терористички напад“, додаде Москва.

Киев допрва треба да одговори на тврдењата на Москва.

Во текот на последниве месеци, веќе во втората година од војната во Украина, Русија ги пријави нападите на нејзината територија како „терористички“ напади од Украина, а тоа е негирано од страна на Киев.