САД: Авион од типот „Боинг 737“ излета од писта во Флорида

ЊУЈОРК (АА) - Патнички авион од типот „Боинг 737“ (Boeing 737), откако слета на аеродром во американската сојузна држава Флорида, излета од пистата и падна во река, пренесува Anadolu Agency (AA).

Според вестите на американските медиуми, авионот од типот „Боинг 737“, кој во последниот период беше актуелен поради несреќите кои се случија во Индонезија и Етиопија, излетал од писта во Флорида.

Авионот полетал од Гвантанамскиот Залив во Куба, а во него патувале 136 патници.

Откако слетал на аеродромот во Џексонвил, авионот излетал од пистата и паднал во реката Сент Џон.

Се вели дека нема жртви во несреќата, додека две лица се здобиле со лесни повреди.