Свлечиште во Индонезија: 3 загинати лица, 9 исчезнати

КУАЛА ЛУМПУР

Поројните врнежи од дожд во Индонезија предизвикаа поплави од кои настана свлечиште во провинцијата Северна Суматра. Во несреќата животот го загубија 3 лица, а 9 се водат за исчезнати, известува Агенција Анадолија (АА).

Во соопштението што го објави Дирекцијата на Националната агенција за катастрофи во Индонезија се вели дека во подрачјето на градот Маранџар каде што се наоѓа Централата за електрична енергија, вчера настанало свлечиште. Под наносот на земја се наоѓаат 12 лица, а спасувачките екипи ги пронашле безживотните тела на 3 лица.

Во тек се операции за пронаоѓање на преостанатите 9 исчезнати лица кои се наоѓаат под свлечиштето.

Поројните врнежи од дожд вчера предизвикаа свлечиште во подрачјето на една електрична централа, сместена во околината на Маранџар.

Во соопштението се наведува дека свлечиштето што се случи во 18:00 часот по локално време, дошло од рид на висина од 50 метри.