Се намалува довербата на Русите кон Трамп

МОСКВА (АА) – Се намалува довербата на Русите кон претседателот на САД, Доналд Трамп, јавува Anadolu Agency (AA).

Фирмата за истражување на јавното мислење во Русија, „VTsIOM“ изврши истражување во кое учестувале 1.200 луѓе. Според ова истражување, 28 отсто од учесниците имаат негативно мислење за Трамп, 48 отсто се неопределени, додека 18 отсто позитивно гледаат на американскиот претседател.

Во соопштението кое го даде „VTsIOM“ се наведува дека во претходното истражување, 27 отсто од учесниците гледале позитивно на Трамп. „VTsIOM“ смета дека оваа голема промена се должи на проширените санкции кон Русија од страна на американскиот Конгрес.

Претседателот Трамп при потпишувањето на новиот нацрт-закон за санкции на американскиот конгрес кон Русија изјави дека постојат „сериозни недостатоци”, но дека го потпишува поради „националното единство”.