Трамп го соопшти повлекувањето на 50 трупи од северниот дел на Сирија

АНКАРА (АА) - Американскиот претседател Доналд Трамп денеска објави дека Вашингтон повлекува 50 трупи од подрачјата во Сирија кои се соочуваат со турската операција, јавува Anadolu Agency (AA).

„Борба меѓу различни групи што трае стотици години. САД никогаш не требаше да бидат на Блискиот Исток“, напиша Трамп на Твитер, и додаде: „Ги преместивме нашите 50 војници.“

Во очигледна критика кон европските земји, Трамп истакна дека Турција ќе биде одговорна за сите борци на ДЕАШ заробени во областа од која „Европа одбива да ги врати назад“.

„Глупавите бесконечни војни за нас завршуваат!“, рече тој.

Трамп истакна дека САД потрошиле 8 билиони долари за борба и одржување ред на Блискиот Исток и додаде дека илјадници американски војници загинале или биле тешко ранети, додека милиони луѓе починале од другата страна.

„Одењето на Блискиот Исток е најлошата одлука направена досега во историјата на нашата земја“, истакна тој.

„Отидовме во војна под сега докажано лажна премиса, оружје за масовно уништување. Немаше НИШТО!“, изјави Трамп, објаснувајќи зошто ги вратиле американските трупи.

„Нашиот фокус е на големата слика! САД се поголеми од кога било претходно!“, додаде тој.

Турскиот претседател Реџеп Таип Ердоган во телефонски разговор денеска му кажа на неговиот руски колега Владимир Путин дека операциите во источниот дел на Еуфрат ќе донесат мир и стабилност во Сирија, и дека исто така ќе го трасираат патот за политички процес во земјата.