Трамп: Нема преживеани во судирот на авион и хеликоптер близу Вашингтон

ВАШИНГТОН (АА) - Американскиот претседател Доналд Трамп соопшти дека нема преживени во судирот на комерцијален авион, кој превезуваше 64 лица, со воен хеликоптер на периферијата на главниот град Вашингтон, јавува Анадолу.

Трамп изјави дека официјалните лица сè уште не знаат што довело до судирот меѓу летот 5342 на „Американ ерлајнс“ и хеликоптерот на Армијата „Блек Хок“ во близина на Националниот аеродром „Реган“, но додаде дека „имаме одредени силни мислења и идеи“.

„Мислиме дека имаме прилично добри идеи, но ќе дознаеме како се случила оваа катастрофа и ќе се погрижиме ништо слично да не се повтори. ФАА и НТСБ и американската војска ќе спроведат систематска и сеопфатна истрага“, рече американскиот претседател.

Се чини дека Трамп вината ја става на екипажот на воениот хеликоптер, велејќи: „Имавте проблем со пилотот од гледна точка на хеликоптерот“.

„Беше многу ведра ноќ, беше студено, но ведро и јасно колку што можеше да биде, авионот на Американ ерлајнс имаше светла, сите светла за слетување беа вклучени“, рече тој. „Хеликоптерот имаше можност да застане, јас имам хеликоптери. Можете да запрете хеликоптер многу брзо. Има можност да се издигнува нагоре или спушта надолу и да сврти. И вртењето што го направи, очигледно, не беше правилното вртење. Го направил донекаде спротивното од она што беше кажано“.