Трамп, претседател со најмалку одржани прес-конференции од 1953

ВАШИНГТОН (АА) - Откако Доналд Трамп во јануари стана американски претседател, само еднаш одржа самостојна конференција за новинарите, пренесува Anadolu Agency (AA).

Си-ен-ен објави дека Трамп само еднаш во текот на 200 дена, колку што е долго американски претседател, одржал прес-конференција за новинарите на 16 февруари.

Така што Трамп стана претседател со најмалку одржани прес-конференции во првите 200 дена од службата, уште од 1953 година.

Во истиот период на власт Барак Обама одржа девет прес-конференции, Линдон Џонсон 19, и Џорџ Х. В. Буш, 18 прес-конференции.

Покрај тоа, Трамп за време на мандатот смени тројца директори на комуникации, портпарол, шеф на кабинетот и заменик-шеф на кабинетот.

Дирекцијата за комуникации воедно е оддел во Белата куќа во кој има најмногу промени во текот на седумесечното претседателствување на Трамп.