Туск: „ЕУ обединета стои зад Украина во врска со поморскиот спор со Русија“

БРИСЕЛ (АА) - Претседателот на Европскиот совет, Доналд Туск, изјави дека Европската Унија стои зад Украина во врска со поморскиот спор и дека ќе ги префрли санкциите врз Русија во декември, јавува Anadolu Agency (AA).

„Европа е обединета во нашата поддршка за суверенитетот на Украина и територијалниот интегритет“, напиша Туск на социјалната мрежа Твитер.

„Затоа сум сигурен дека ЕУ ќе ги префрли санкциите врз Русија во декември“, додаде тој.

Туск заедно со претседателот на Европскиот комитет, Жан-Клод Јункер, ќе присуствува на Самитот Г20 во Аргентина.

Американскиот претседател, Доналд Трамп, го откажа планираниот состанок со рускиот претседател во рамките на Самитот Г20, наведувајќи ги како причина тековните тензии меѓу Русија и Украина.

Во неделата, Русија заплени два украински брода и еден реморкер заедно со 23 члена на посадата од Крим, обвинувајќи го Киев за влегување во нивните води и поттикнување конфликт.

Велат дека поморските возила ги игнорирале знаците за стопирање при што предизвикале воена акција.

Русија интервенираше поради тоа што украинските бродови се преместувале од пристаништето на Црното Море во Одеса и пристаништето Мариупол во Азовското Море.

Украина, исто така, ги обвини руските воени авиони за отворање оган врз нејзините бродови, тврдејќи дека членовите на екипажот биле повредени и возилата биле запленети од Русија.

Русија и Украина се наоѓаат во конфликт од 2014 година, кога Русија го анектираше Крим по контроверзниот референдум.

Турција како и Генералното собрание на ОН го сметаат анектирањето за нелегално.

Украина, исто така, ја обвинува Русија за сепаратистичко насилство во источна Украина, во близина на границата со Русија.