Украина: Русија со ракети погоди земјоделско претпријатие во Одеската Област

КИЕВ (АА) - Командата на Украинските воздухопловни сили објави дека Русија со ракети погодила цивилно земјоделско претпријатие во Одеската Област, јавува Анадолу.

Командата наведе дека руската војска извршила напад на украинска територија во текот на ноќта со крстосувачки ракети и беспилотни летала.

Соопштено е дека детектирани се вкупно 16 воздушни цели.

„Уништени се вкупно 12 воздушни цели, вклучително и шест крстаречки ракети“, се наведува во соопштението.

Се истакнува дека руски ракети го погодиле подрачјето каде што се наоѓа цивилно земјоделско претпријатие во Одеската Област.

Во нападот нема жртви, оштетени се земјоделски површини и складишта за жито.