Украина: Русија ја нападна нашата територија со дронови од типот „Шахед“

КИЕВ (АА) - Претседател Владимир Зеленски објави дека руската армија во текот на ноќта извршила напад на украинската територија со 103 беспилотни летала од типот „Шахед“, известува Анадолу.

Зеленски во својата објава на социјалните мрежи наведе дека секој ден го бранат воздушниот простор на нивната земја од руските беспилотни летала и ракети.

Истакнувајќи дека Украина ноќе била нападната од 103 беспилотни летала од типот „Шахед“, Зеленски рече:

„Русија употреби повеќе од 630 беспилотни летала, околу 740 наведувани бомби и 50 проектили од различни типови оваа недела. Тоа претставува повеќе од 50.000 компоненти кои се под санкции од целиот свет. Санкциите (кон Русија) за набавка на странски делови не се доволни. Русија продолжува да ги набавува потребните делови и алатките за производство што ѝ се потребни од целиот свет и да ги користи против Украина“.