Украинскиот претседател Зеленски го назначи бригадниот генерал Васил Малјук за шеф на разузнавањето

КИЕВ (АА) - Претседателот на Украина, Владимир Зеленски, го назначи бригадниот генерал Васил Малјук за вршител на должноста началник на Службата за безбедност (SBU), пренесува Агенција Анадолија (АА).

Според одлуката објавена на веб-страницата на Претседателството, Малјук, кој е заменик-раководител на институцијата, е назначен за шеф на Службата за безбедност на земјата.

Зеленски вчера го разреши шефот на Службата за безбедност, Иван Баканов, и јавната обвинителка на Украина, Ирина Венедиктова.

Во изјавата во врска со разрешувањата, Зеленски, наведувајќи дека повеќе од 60 припадници на Службата за безбедност и органите на редот кои останале на окупираните територии соработувале со Русите, рече дека таа ситуација покажала дека има сериозни проблеми со лицата кои се на високи функции.