Dildar Baykan
23 Август 2017•Ажурирај: 24 Август 2017
ЗАМБОАНГА (АА) - Најмалку две лица загинаа во земјотресот со јачина од пет степени според Рихтер што го погоди филипинскиот остров Лејте, јавува Anadolu Agency (AA).
Американскиот геолошки завод (USGS) соопшти дека епицентарот на земјотресот е на осум километри од Талисајан, на островот Лејте, и тоа на длабочина од десет километри.
Локалните медиуми јавуваат дека според информациите од официјалните безбедносни лица, во Сан Хозе настрадале две жени од 51 и 70 години.
Земјотресот предизвика материјална штета на 56 објекти.
Националниот институт за вулканологија соопшти дека земјотресот е регистриран на длабочина од пет километри.
На 15 октомври 2013 година земјотрес со јачина од 7,2 степени ги погоди Филипините, при што загинаа 144 лица.
