Финска ќе постави жичена ограда на руската граница долга 1.300 километри

АНКАРА (АА) - Поради тековната војна меѓу Русија и Украина, Финска одлучи да постави жичена ограда на границата со Русија, пренесува Агенција Анадолија (АА).

Според веста на „ЦМС Тајмс“ (CMS Times), во соопштението на Министерството за внатрешни работи на Финска се наведува дека ќе се зголеми безбедноста на руската граница за земјата да се заштити од хибридни закани поради тековната војна меѓу Русија и Украина.

Загрижена дека Москва може да ги искористи имигрантите за да изврши политички притисок, Хелсинки планира да воведе законски измени кои ќе ја олеснат изградбата на побезбедна жичена ограда на нејзината источна граница со Русија долга 1.300 километри.

Во моментов на границите на земјата се користат дрвени огради за да се спречат животните да преминуваат на погрешна страна.

Предвидено е законските измени за изградбата на оградата да стапат на сила „што е можно поскоро“.