Франција: Евакуиран аеродромот Базел-Мулхаус и затворен од безбедносни причини

АНКАРА (АА) - Аеродром во источна Франција е евакуиран денес и затворен од безбедносни причини, пренесува Анадолу.

„Од безбедносни причини, терминалот мораше да биде евакуиран и моментално е затворен“, стои на веб-страницата на евроаеродромот Базел-Мулхаус, кој се наоѓа на француско-швајцарската граница.

„Ќе следуваат дополнителни информации“, соопшти управата на аеродромот без да даде повеќе детали.

Франција е во состојба на претпазливост од рано утрово по „малициозните дејствија“ насочени кон железничката мрежа, претежно во северните и источните делови на земјата.

Локациските кутии на железницата и каблите беа исечени и запалени, објавија официјалните претставници.

Железничкиот сообраќај е сериозно нарушен во услови кога Париз се подготвува за свеченото отворање на Олимписките игри вечерва на реката Сена.

Фудбалските натпревари, натпреварите во стрелаштво и рагби започнаа претходно неделава пред официјалниот почеток.