Четири лица загинаа при уривање на мал авион во Мексико

Четири лица загинаа откако мал авион се урна во северната мексиканска држава Коавила, потврдија воздухопловните власти, пренесува Анадолу.

Малиот авион, кој полета од аеродромот Броунсвил во американската сојузна држава Тексас, се урна на празно земјиште во близина на аеродромот Гваделуп, се вели во соопштението на Потсекретаријатот за цивилна заштита.

Во несреќата загинале четири лица, меѓу кои и поранешниот градоначалник на Матаморос.

Обвинителството во Коавила и Федералната цивилна авијација започнаа истрага за откривање на причините за несреќата.