Шефот на ОН длабоко вознемирен од ситуацијата и драматичното губење животи во болниците во Газа

ВАШИНГТОН (АА) - Генералниот секретар на Обединетите нации (ОН), Антонио Гутереш, вчера изрази длабока вознемиреност поради драматичното губење животи во болниците во Газа поради актуелните израелски напади, известува Анадолу.

„Генералниот секретар е длабоко вознемирен од ужасната ситуација и драматичното губење животи во неколку болници во Газа. Во име на човештвото, генералниот секретар повика на итен прекин на огнот“, рече портпаролот на ОН, Стефан Дујариќ, на конференцијата за новинари.

Тој додаде дека Гутереш ги продолжува контактите со различни соговорници и со своите колеги на теренот.