ГАЗИАНТЕП (АА) - Турција им додели стипендии на 20.000 сириски студенти, изјави за Anadolu Agency (AA) висок претставник на турската образовна институција, јавува Anadolu Agency (AA).
Саит Јусуф, заменик-претседател на Дирекцијата за турска дијаспора и сродни заедници (ЈТБ), рече: „Доделивме стипендии за 20.000 сириски студенти. Околу 4.500 се целосни стипендии, како дел од турските стипендии“.
Јусуф истакна дека неговата земја ги обучува Сиријците за реконструкција на нивната земја во иднина.
„Обучените Сиријци ќе придонесат за реконструкција на Сирија“, истакна Јусуф, додавајќи дека студентите ќе се вратат во нивната земја како „пријатели на Турција“.
Тој нагласи дека Дирекцијата за турска дијаспора и сродни заедници се обидува да им помогне на луѓето што имаат потреба од помош во секој дел од светот.
Според податоците на Дирекцијата, вкупно 16.000 студенти од 160 земји студираат во Турција како дел од турската Програма за целосни стипендии.
Турција, како земја домаќин на најголем број бегалци во светот, згрижува повеќе од 3,5 милиони сириски бегалци.
