Li Stenbolê barana gur

ÎSTANBUL

Li Stenbolê ji ber barana gur a ku cî bi cî gurtir bû, welatî hatin hişyarkirin.

Li gor agahiya ku nûçegihanê AAyê ji daneyên Midûriya Herêma 1em a Meteorolojiyê da hev, tavî û teyrokê ji bişev dest pê kir û barî.

Li gor texmînê germa hewayê li gor demsalê wê zêdetir be.

Ji bo lehî, av, bilqetav, savarok, bager û çûyîn û hatinê bi taybetî jî welatiyên Stenbol, Yalova û Kocaeliyê hatin hişyarkirin da ku tevdîra xwe hildin.

Li ser îhtimala ku bager çatiyan rake, daran bişkêne û dîran wergerine jî hişyarî hat dayîn.

- Welatiyan di tavî û teyrokê da zehmetî kişand

Di vê navberê da welatiyan jî ji ber barana gur zehmetî kişand.

Welatiyên bêtevdîr di baranê da xwe sipartin rawestgehên otobêsan, têketina avahiyan û cihên ser girtî.

Piştî baranê li hin deran golên avê çêbûn.