Косово: Бројот на случаи со Ковид-19 се зголеми на 1.384

ПРИШТИНА

Во Косово се откриени уште 58 случаи со новиот вид коронавирус (Ковид-19) со што вкупниот број на случаи со овој вирус во земјата се зголеми на 1.384, пренесува Агенција Анадолија (АА).

Оваа информација преку соопштение ја потврди Националниот институт за јавно здравје на Косово.

Денес не се регистрирани нови смртни случаи, односно бројот на починати од Ковид-19 во земјата изнесува 31.

Вкупната бројка на излекувани од овој вирус во земјата изнесува 921.

Денес во Лабораторијата за молекуларна микробиологија извршени се 227 тестирања за Ковид-19, додека вкупниот број на извршени тестирања во Косово изнесува 17.934.