Турските војници повикани од НАТО пристигнаа во Косово

ПРИШТИНА (АА) - По немирите во Косово, баталјонот турски командоси на барање на Здружената команда на силите на НАТО е префрлен на Косово, пренесува Анадолу.

Уште еден дел од баталјонот командоси кои ѝ припаѓаат на Командата на 65-тата Механизирана пешадиска бригада стационирана во Лулебургаз, во турската област Киркларели, назначена како резервна единица, пристигна на воениот аеродром во Чорлу.

По завршувањето на подготовките, турските војници со воени авиони полетаа кон Косово, по што слетаа на Меѓународниот аеродром „Адем Јашари“ во Приштина.

- Турските војници ќе бидат сместени во касарната „Султан Мурат“

Сабри Тунч Ангили, амбасадорот на Туркије во Косово, ја пречека единицата турски војници која пристигна на аеродромот во Приштина. Војниците подоцна се пренесени во касарната „Султан Мурат“.