Путин ја прошири забраната за продажба на нафта на земјите кои ја ограничија цената

МОСКВА (АА) - Рускиот претседател Владимир Путин ја продолжи до крајот на годината забраната за испорака на нафта за земјите и компаниите што се придржуваат до горната граница на цената на руската нафта, пренесува Анадолу.

Уредбата првпат стапи на сила на 1 февруари и требаше да важи до 1 јули, но сега е продолжена до 31 декември.

Со Уредбата, потпишана од Путин на 27 декември минатата година, се забранува испорака на руска сурова нафта и нафтени деривати „во сите фази“ доколку договорите, директно или индиректно, се придржуваат до горната граница на цените.

На почетокот на декември земјите од групата Г7, Европската Унија и Австралија се согласија да ја ограничат цената на руската сурова нафта на 60 долари по барел како одговор на војната на Москва против Украина.