ИСТАНБУЛ (AA) - Мачката Гофрет, позната по возењето на мотоцикл врзана на градите на сопственикот, носејќи мал шлем, е препознатлив патник на истанбулските улици, пишува Анадолу.
Претходно мачката се појавуваше на социјалните мрежи во различни костими, од полициска униформа и невестински фустан до светложолто одело во форма на пчела.
Вдомена на два месеца од Хатем Топџу, Гофрет рано се запознала со животот на отворено и постепено се навикнала на звукот на мотоциклот.
Она што започнало како кратки излети станало секојдневен ритуал, предизвикувајќи интересни реакции од набљудувачите што честопати ја мешаат мачката со играчка пред да сфатат дека е вистинска.
Топџу рече дека со Гофрет летале од турската западна област Мугла до Истанбул, истакнувајќи дека на мачката веќе не ѝ непознато патувањето со авион по претходните домашни и меѓународни патувања, вклучително и посетата на Франција.
Тој додаде дека тргнале да ги истражат историските области на Истанбул - од Ускудар и Еминону до Сиркеџи и Таксим - каде што Гофрет брзо го привлекла вниманието на минувачите. Туристите застануваа да ја помилуваат мачката, да се фотографираат и да снимаат видеа додека таа со својот сопственик го обиколува градот.
Возејќи се на предниот дел на мотоциклот, Гофрет ужива во историскиот пејзаж на градот, па дури и хранеше галеби на патувањето со ферибот преку Босфор со нејзиниот сопственик.
