Виктор Орбан: „На Европа ѝ е потребна Турција“

БУДИМПЕШТА (АА) - Унгарскиот премиер Виктор Орбан денес изјави дека на Европа ѝ е потребна Турција, јавува Anadolu Agency (AA).

Говорејќи пред новинарите за време на посетата на турбето на Ѓул Баба во Будимпешта, Орбан изјави дека западните медиуми ја критикуваат Турција „неправедно“ и дека Унгарија не поддржува едукација на некого за тоа како да ја води својата земја.

„Треба да постои стратешка соработка меѓу Турција и ЕУ за безбедноста и економијата. На Европа, исто така ѝ е потребна Турција“, изјави Орбан.

Орбан се согласи со зборовите на турскиот претседател Реџеп Таип Ердоган дека Турција ќе биде меѓу првите 10 економии во светот во текот на следните години.

„Треба да соработуваме со Турција сѐ додека можеме, за интерес на Европа“, изјави тој.

Орбан, исто така изјави дека турбето на Ѓул Баба е еднакво важно за Турците и Унгарците.

Ѓул Баба - што значи „Отец на розите“ - бил османлиски бекташки дервиш поет и придружник на султан Сулејман Величенствениот.

Тој почина во Будимпешта во 16 век, кога во регионот завладеаја Османлиите.

Турбето беше изградено во периодот помеѓу 1543 и 1548 година, а беше обновено од турско-унгарското партнерство, откако беше потпишан протокол во 2014 година.