Тајван го претвора јужниот дел од островот во центар за вештачка интелигенција

ИСТАНБУЛ (АА) - Тајванскиот лидер Вилијам Лаи Чинг-те денес рече дека Таипеи ќе ги претвори јужните делови на островот во центар за вештачка интелигенција, јавува Анадолу.

Говорејќи на настанот „Силиконска долина на југот на Тајван“ во јужниот град Таинан, Лаи повика на зајакнување на истражувачките способности за примена на вештачката интелигенција во здравствената заштита, инфраструктурата и академската заедница, се вели во соопштението од неговата канцеларија.

„Не можеме само да продаваме опрема. Мора да бидеме способни да продаваме решенија и системи“, рече тој.

Признавајќи ги пионерите на тајванската индустрија за полупроводници, Лаи рече дека островската држава „мора да ја искористи својата моќ во производството на напредни полупроводници за да изгради врски со други демократски земји и да ја направи економијата на земјата поотпорна“.

Во Тајван се произведува 60 отсто од глобалното производство на чипови со големина од 7 нанометри и помали. Островската држава останува во центарот на геополитичкото ривалство меѓу САД и Кина.

Се предвидува светскиот сектор на чипови да расте дополнително следнава година, поттикнат од напредокот во технологиите за вештачка интелигенција и 5G.