Германскиот канцелар пристигна во официјална посета на Северна Македонија

СКОПЈЕ (АА) - Канцеларот на Сојузна Република Германија, Олаф Шолц, пристигна во еднодневна официјална посета на Република Северна Македонија, при што беше пречекан од премиерот Димитар Ковачевски со највисоки државни и воени почести пред Владата, јавува Агенција Анадолија (АА).

Според агендата за официјалната посета на канцеларот Олаф Шолц, веднаш по церемонијата на пречекот е предвидена тет-а-тет средба со премиерот Ковачевски, по што ќе следува билатерална средба на членовите на двете делегации.

Официјалната посета на канцеларот Шолц ќе заврши со заедничка прес-конференција со претседателот на Владата, Димитар Ковачевски.

Посетата во Северна Македонија е дел од регионалната турнеја на германскиот канцелар и доаѓа по вчерашната посета на Србија и Косово.