Министерот за надворешни работи на Туркије ќе присуствува на неформалниот состанок на МНР на ЕУ

ИСТАНБУЛ (АА) - Mинистерот за надворешни работи на Туркије, Хакан Фидан, утре ќе го посети белгискиот главен град Брисел за да присуствува на неформалниот состанок на министрите за надворешни работи на ЕУ, наречен и Гимних, јавува Анадолу.

„Министерот Фидан на средбата со своите соговорници ќе разговара за односите Туркије-ЕУ, глобалните и регионалните случувања“, се вели во соопштението на турското Министерство за надворешни работи.

„Тој, исто така, ќе има билатерални средби со своите колеги“, се додава во објавата.

Состаноците обезбедуваат неформален амбиент за министрите за надворешни работи на ЕУ да разменат мислења за актуелните меѓународни прашања. Тие, исто така, помагаат во координирањето на стратегиите за надворешна политика и безбедност на ЕУ и поттикнуваат развој на заеднички ставови и стратегии меѓу земјите-членки.

Поканата на Туркије за состаноците во Гимних доаѓа по петгодишна пауза.

Преговорите за членство на Анкара во ЕУ започнаа во 2005 година, но влегоа во безизлезна ситуација по 2007 година поради кипарското прашање и политичкото противење на членството на Туркије од страна на неколку земји-членки.