70 животни се родени во Зоолошката градина во Измир

ИЗМИР (АА) - Оваа пролет во Зоолошката градина во Измир се родија вкупно 70 зебри, лемури, газели, диви и ангорски кози, известува Анадолу.

Во писменото соопштение на паркот се наведува дека паркот е збогатен со 70 новороддени животни, од кои две зебри, два прстеноопашести лемури, 44 газели, 19 диви кози и 3 ангорски кози.

Директорот на Зоолошката градина соопшти дека раѓањата започнале со доаѓањето на пролетта и дека животните се адаптирале на животот во Зоолошката градина.

- Штркот со жолт клун е на пат да стане мајка

Од Зоолошката градина информираат дека жолтоклунестиот штрк кој пристигнал оваа година снесол јајца, дека е во фаза на инкубација и очекуваат малечките да се изведат околу почетокот на јуни. Тоа би било за првпат во Зоолошката градина да се роди жолтоклунест штрк.